ലണ്ടന്‍: ഫ്രഞ്ച് താരം മന്നാരിനോയെ പരാജയപ്പെടുത്തി ലോക ഒന്നാം നമ്പര്‍ താരം നോവാക് ജോക്കോവിച്ച് വിമ്പിള്‍ഡന്‍ ടെന്നിസിന്റെ മൂന്നാം റൗണ്ടിലെത്തി.
ആദ്യ രണ്ടു റൗഡുകളില്‍ ജോക്കോ അനായാസം വിജയം നേടിയെടുത്തെങ്കിലും മൂന്നാം സെറ്റില്‍ മന്നാരിനോ ചാംപ്യന് വെല്ലുവിളിയുയര്‍ത്തി (64, 63, 76).
ഓപ്പണ്‍ യുഗത്തില്‍ തുടര്‍ച്ചയായ 30ാം ഗ്രാന്‍സ്‌ലാം സിംഗിള്‍സ് ജയത്തോടെ ജോക്കോവിച്ച് റെക്കോര്‍ഡ് തീര്‍ത്തു.
മഴ മൂലം ഒട്ടേറെ മല്‍സരങ്ങള്‍ ഉപേക്ഷിക്കപ്പെട്ട മൂന്നാം ദിനം സെന്റര്‍ കോര്‍ട്ടിലെ ക്ലോസ്ഡ് റൂഫിനു കീഴില്‍ മാത്രമാണ് മല്‍സരങ്ങള്‍ നടന്നത്.
സീസണില്‍ ഓസ്‌ട്രേലിയന്‍ ഓപ്പണും ഫ്രഞ്ച് ഓപ്പണും സ്വന്തമാക്കിയ ജോക്കോവിച്ചിനു മുന്നില്‍ ആദ്യ രണ്ടു സെറ്റില്‍ മന്നാരിയോയ്ക്ക് പിടിച്ചുനില്‍ക്കാനായില്ല. 5-4 എന്ന നിലയില്‍ നില്‍ക്കെ ബാക്ക്ഹാന്‍ഡ് ഷോട്ട് നെറ്റിലേക്കടിച്ച് ഫ്രഞ്ച് താരം ആദ്യ സെറ്റ് ജോക്കോയ്ക്കു സമ്മാനിച്ചു.
