അടൂര്‍: സ്‌കൂട്ടറും ലോറിയും കൂട്ടിയിടിച്ച് ഒരു സ്ത്രീ മരിച്ചു. പെരിങ്ങനാട് മുളമുക്ക് ശ്രീനിലയത്തില്‍ രാജന്‍പിള്ളയുടെ ഭാര്യ ടി. എല്‍. ഉഷാകുമാരി (54) ആണ് മരിച്ചത്. ഭര്‍ത്താവിനെ ആശുപത്രിയിലാക്കിയ ശേഷം സ്‌കൂട്ടറില്‍ ജോലിക്ക് പോകുന്നതിനിടയിലായിരുന്നു അപകടം.
ലോറിയുടെ ടയര്‍പൊട്ടി നിയന്ത്രംവിട്ട് ഉഷാകുമാരി സഞ്ചരിച്ച സ്‌കൂട്ടറില്‍ ഇടിക്കുകയും ലോറിയില്‍ കുരുങ്ങി ഉഷാകുമാരിയുമായി വാഹനം കുറേദൂരം മുന്നോട്ടുപോകുകയുമായിരുന്നു. ഉഷാകുമാരി സംഭവ സ്ഥലത്ത് തന്നെ മരിച്ചു.
