കക്കാമിഖാഹാര: വനിതാ ഏഷ്യ കപ്പ് ഹോക്കിയില്‍ ഇന്ത്യക്ക് വിജയം.
പൂള്‍ എയിലെ രണ്ടാം മത്സരത്തിൽ ഒന്നിനെതിരെ നാലു ഗോളിനാണ് ഇന്ത്യ ചൈനയെ തകർത്തത്.
ഇന്ത്യക്കു വേണ്ടി ഗുര്‍ജിത് കൗര്‍ (19), നവജോത് കൗര്‍ (32), നെഹ ഗോയൽ(49), റാണി(58) എന്നിവർ ഓരോ ഗോള്‍ വീതം നേടി.
മൂന്നാം മത്സരത്തിൽ ശക്തരായ മലേഷ്യയാണ് ഇന്ത്യയുടെ എതിരാളി. ചൊവ്വാഴ്ചയാണ് മലേഷ്യക്കെതിരായ മത്സരം.
ആദ്യ മത്സരത്തിൽ ഇന്ത്യ എതിരില്ലാത്ത പത്തു ഗോളിന് സിംഗപ്പൂരിനെ തോൽപിച്ചിരുന്നു.
