വാഷിങ്‌ടൺ: ലോകത്ത് കൊവിഡ് കേസുകൾ 150 ദശലക്ഷം പിന്നിട്ടതായി റിപ്പോർട്ട്. ജോൺസ് ഹോപ്‌കിൻസ് സർവകലാശാലയാണ് ഏറ്റവും പുതിയ റിപ്പോർട്ട് പുറത്ത് വിട്ടിരിക്കുന്നത്‌ . ഇന്ത്യൻ സമയം രാവിലെ 9:51 വരെ ലോകമെമ്പാടുമുള്ള ആകെ കൊവിഡ് രോഗികളുടെ എണ്ണം 150,133,654ഉം ആകെ മരണസംഖ്യ 3,162,166ഉം ആണെന്ന് കണ്ടെത്തി. ഇതിൽ ഏറ്റവും കൂടുതൽ കൊവിഡ് കേസുകൾ റിപ്പോർട്ട് ചെയ്ത അമേരിക്കയാണ് ഒന്നാം സ്ഥാനത്തുള്ളത്.
32,288,689 കേസുകളും 575,193 മരണവുമാണ് ഇതുവരെ അമേരിക്കയിൽ റിപ്പോർട്ട് ചെയ്‌തത്. അതേസമയം 18.3 ദശലക്ഷത്തിലധികം കേസുകളും 204,832 മരണവും റിപ്പോർട്ട് ചെയ്ത ഇന്ത്യ തൊട്ടുപിന്നിൽ രണ്ടാം സ്ഥാനത്തുണ്ട്. 14,590,678 കേസുകളും 401,186 മരണവും റിപ്പോർട്ട് ചെയ്ത ബ്രസീൽ മൂന്നാം സ്ഥാനത്താണ്. യഥാക്രമം 5,653,533 കൊവിഡ് കേസുകളും 104,385 മരണവുമാണ് ഫ്രാൻസിൽ ഇതുവരെ റിപ്പോർട്ട് ചെയ്‌തിരിക്കുന്നത്.
