ബ്യൂണസ് അയേഴ്സ്: തെക്കേ അമേരിക്കയിലെ ലോകകപ്പ് യോഗ്യതാറൗണ്ടില്‍ ബ്രീസീലിനും അര്‍ജന്റീനക്കും ജയം.
ബ്രസീല്‍ ഉറുഗ്വായെ 4-1 ന് തകര്‍ത്തപ്പോള്‍ ചിലിയെ ഏകപക്ഷീയമായ ഒരു ഗോളിന് അര്‍ജന്റീനയും പരാജയപ്പെടുത്തി. പൗലിഞ്ഞോയുടെ ഹാട്രിക്കിലാണ് ബ്രസീല്‍ മികച്ച വിജയം നേടിയത്.
നെയ്മര്‍ ഒരു ഗോളും നേടി. 9-ാം മിനിറ്റില്‍ ഉറുഗ്വായുടെ കവാനിയാണ് മത്സരത്തിലെ ആദ്യ ഗോള്‍ നേടിയത്. 19, 52, 90 മിനിറ്റുകളില്‍ പൗലീഞ്ഞോയും 74-ാം മിനിറ്റില്‍ നെയ്മറും ബ്രസീല്‍ ഗോള്‍പട്ടിക ചലിപ്പിച്ചു.
ക്യാപ്റ്റന്‍ ലയണല്‍ മെസ്സി 16-ാം മിനിറ്റില്‍ നേടിയ പെനാല്‍റ്റി ഗോളിലൂടെയാണ് അര്‍ജന്റീന ചിലിയെ പരാജയപ്പെടുത്തിയത്. യോഗ്യതാ റൗണ്ടിലെ മറ്റു മത്സരങ്ങളില്‍ കൊളംബിയ ബൊളീവിയയെ 1-0നും പരഗ്വായ് ഇക്വാഡറിനെ 2-1 നും പരാജയപ്പെടുത്തി. വെനിസ്വെല പെറുമത്സരം 2-2 സമനിലയില്‍ പിരിഞ്ഞു.
