പാരീസ്: കൈലിയന്‍ എംബാപ്പെയെ പുകഴ്ത്തി ഫുട്‌ബോള്‍ ഇതിഹാസം പെലെ. എംബാപ്പെയ്ക്ക് ആയിരം ഗോളടിക്കാന്‍ കഴിയുമെന്ന് താന്‍ വിശ്വസിക്കുന്നു എന്നാണ് പെലെ പറഞ്ഞത്.
1025 ഗോളുകള്‍ ഞാന്‍ അടിച്ചിട്ടുണ്ട്. എംബാപ്പെയ്ക്ക് ആയിരം തികയ്ക്കാന്‍ കഴിയും എന്നും പെലെ പറഞ്ഞു.
അതേസമയം പെലെയുടെ ആശംസയ്ക്ക് മറുപടിയായി ആയിരം ഗോളിനായി തനിക്ക് എത്രയോ ദൂരം സഞ്ചരിക്കേണ്ടിയിരിക്കുന്നു എന്ന് എംബാപ്പെയുടെ പറഞ്ഞു. ഫുട്‌ബോളില്‍ ഒരു രാജാവേയുള്ളൂ. അദ്ദേഹമാണ് എന്റെ മുന്നിലിരിക്കുന്നത്. ഞാന്‍ വെറും കൈലിയന്‍ മാത്രം. എന്റെ ടീമിനും രാജ്യത്തിനുംവേണ്ടി കഴിയുന്നതെല്ലാം ചെയ്യുന്നു എന്നും എംബാപ്പെ കൂട്ടിച്ചേര്‍ത്തു.
