ബ്യൂണസ് ഐറിസ്: യൂത്ത് ഒളിംപിക്‌സ് ഹോക്കിയില്‍ പുരുഷ, വനിതാ വിഭാഗങ്ങളില്‍ ഇന്ത്യയ്ക്ക് പരാജയം. പുരുഷവിഭാഗത്തില്‍ മലേഷ്യയും (4-2), വനിതാ വിഭാഗത്തില്‍ ആതിഥേയരായ അര്‍ജന്റീനയുമാണ് (3-1) ഇന്ത്യയെ തോല്‍പ്പിച്ചത്. ഇതോടെ രണ്ടിനങ്ങളിലും ഇന്ത്യ വെള്ളിയിലൊതുങ്ങി.
നേരത്തെ, സെമിയില്‍ പുരുഷ ടീം അര്‍ജന്റീനയെ 3-1 നും വനിതകള്‍ ചൈനയെ 3-0 നും തോല്‍പ്പിച്ചു. ഇതാദ്യമായാണ് യൂത്ത് ഒളിംപിക്‌സ് ഹോക്കിയില്‍ ഇന്ത്യ പങ്കാളിയാകുന്നത്.
ഹോക്കിയിലെ ഇരട്ട വെള്ളി കൂടിയായതോടെ അര്‍ജന്റീനയില്‍ നടക്കുന്ന യൂത്ത് ഒളിംപിക്‌സില്‍ ഇന്ത്യയുടെ ആകെ മെഡല്‍ നേട്ടം പത്തിലെത്തി. മൂന്നു സ്വര്‍ണവും ഏഴു വെള്ളിയും ഉള്‍പ്പെടെയാണിത്.
