‘യുവരാജ്ഹസല്‍ പ്രീമിയര്‍ ലീഗ്’ എന്ന പേരില്‍ വിവാഹ ആഘോഷങ്ങള്‍ തുടങ്ങിയപ്പോള്‍ ആരും കരുതിയിരുന്നില്ല അതിത്രത്തോളം ഗംഭീരമായിരിക്കുമെന്ന്. പത്തുദിവസം നീണ്ട വിവാഹ ആഘോഷങ്ങള്‍ പുരോഗമിക്കവേ ഇപ്പോഴിതാ യുവിയുടെ വിവാഹ ചടങ്ങുകളുടെ ട്രെയിലര്‍ വന്നിരിക്കുകയാണ്.
ചണ്ഡീഗഡിലെ ഗുരുദ്വാരയില്‍ വച്ചു സിഖ് ആചാരപ്രകാരം നടന്ന വിവാഹത്തെക്കൂടാതെ ഗോവയില്‍ വച്ചു ഹിന്ദു ആചാരപ്രകാരവും ഇരുവരും വിവാഹിതരായി. കാണാം യുവിയുടെ കല്യാണക്കാഴ്ച്ചകള്‍.
വിവാഹം നടന്ന നാള്‍ തൊട്ട് ആരാധകര്‍ വിഡിയോ വരാനായി കാത്തിരിക്കുകയായിരുന്നു. ഇന്‍സ്റ്റഗ്രാമിലും ട്വിറ്ററിലുമൊക്കെയായി വന്ന ചെറിയ വിഡിയോകളെക്കൂടാതെ ഇപ്പോള്‍ പുറത്തു വന്ന ഈ ട്രെയിലറിന് വന്‍വരവേല്‍പാണു ലഭിച്ചിരിക്കുന്നത്.
ഗോവയിലെ ബീച്ചിനു സമീപം നടന്ന വിവാഹ ആഘോഷങ്ങളാണു വിഡിയോയിലുള്ളത്. ബാസാര്‍ബ്രൈഡ് ഇന്‍ഡ്യയാണ് വിഡിയോ തയ്യാറാക്കിയത്.
ഡിസംബര്‍ ഏഴിന് ഡല്‍ഹിയില്‍വച്ചു നടക്കുന്ന വിവാഹവിരുന്നോടെ ആഘോഷങ്ങള്‍ സമാപിക്കും. ബ്രിട്ടിഷ് മൗറീഷ്യന്‍ മോഡലായ ഹസല്‍ കീച്ച് ബോഡിഗാര്‍ഡ്, ബില്ല എന്നീ ചിത്രങ്ങളില്‍ അഭിനയിച്ചിട്ടുമുണ്ട്. ഒരു വര്‍ഷം മുന്‍പാണ് യുവരാജുമായുള്ള വിവാഹം ഉറപ്പിച്ചത്.
