ബോളിവുഡ് ചിത്രം ക്വീനിന്റെ മലയാളം റീമേക്കില്‍ മഞ്ജിമ മോഹനാണ് നായികയായെത്തുന്നത്. ചിത്രത്തിന്റെ ഫസ്റ്റ്ലുക്ക് പോസ്റ്റര്‍ പുറത്തുവിട്ടിരിക്കുകയാണ് ഇപ്പോള്‍. സം സം എന്നാണ് ചിത്രത്തിന് പേരിട്ടിരിക്കുന്നത്. മഞ്ജിമ തന്നെയാണ് ഫേസ്ബുക്ക് പേജിലൂടെ പോസ്റ്റര്‍ പുറത്തുവിട്ടത്.
തമിഴ് റീമേക്ക് പാരിസ് പാരിസില്‍ കാജല്‍ അഗര്‍വാളാണ് കങ്കണയുടെ വേഷം കൈകാര്യം ചെയ്യുന്നത്. തെലുങ്ക് റീമേക്കില്‍ തമന്നയാണ് നായിക. നീലകണ്ഠയാണ് സം സം സംവിധാനം ചെയ്യുന്നത്. സണ്ണി വെയ്ന്‍, ബൈജു, മുത്തുമണി എന്നിവരും പ്രധാന വേഷങ്ങളില്‍ എത്തുന്നുണ്ട്.
ക്വീന്‍ സംവിധാനം ചെയ്തത് വികാസ് ബഹലാണ്. സ്ത്രീ ശാക്തീകരണമാണ് ചിത്രത്തിന്റെ പ്രമേയം. ദേശീയ അവാര്‍ഡും ഫിലിം ഫെയര്‍ അവാര്‍ഡും മികച്ച നടിയ്ക്കുള്ള അവാര്‍ഡുമെല്ലാം ചിത്രത്തിനായി കങ്കണ നേടിയിട്ടുണ്ട്.
