ബോളിവുഡിലെ എക്കാലത്തേയും പ്രിയപ്പെട്ട വില്ലന്‍ ഗബ്ബര്‍ സിംഗ് തിരിച്ചു തിരിച്ചുവരുന്നു. ഷോലെയില്‍ അംജദ് ഖാന്‍ അനശ്വരമാക്കിയ കഥാപാത്രം വീണ്ടും വെള്ളിത്തിരയിലെത്തുകയാണ്. ഗബ്ബര്‍ ഈസ് ബാക്ക് എന്ന സിനിമയിലുടെയാണ് ഗബ്ബര്‍ സിംഗ് വീണ്ടും എത്തുന്നത്.
ഷോലെയിലെ ഗബ്ബര്‍ സിംഗ് വില്ലനാണെങ്കില്‍ പുതിയ ഗബ്ബര്‍ സിംഗ് അഴിമതിക്കെതിരെ പോരാടുന്ന നായകനാണ്. അക്ഷയ് കുമാറാണ് ഗബ്ബര്‍ സിംഗായി വേഷമിടുന്നത്. എ.ആര്‍ മുരുകദോസ് രചിച്ച സിനിമ കൃഷാണ് സംവിധാനം ചെയ്തത്. തമിഴില്‍ മരുകദോസിന്റെ രമണയെയാണ് ചില മാറ്റങ്ങളോടെ അദ്ദേഹം ബോളിവുഡില്‍ അവതരിപ്പിക്കുന്നത്.
സഞ്ജയ് ലീല ബന്‍സാലിയും വയാകോം 18 നും ഷബീന ഖാനും ചേര്‍ന്ന് നിര്‍മ്മിച്ച ചിത്രത്തില്‍ ശ്രുതി ഹസ്സനും കരീന കപൂറും സോനു സൂദും പ്രകാശ് രാജും അടങ്ങുന്ന താരനിരയുണ്ട്. മെയ് ഒന്നിന് ചിത്രം പുറത്തിറങ്ങും. സിനിമയുടെ ടീസര്‍ പുറത്തിറങ്ങി.
