ജയറാം, ജുവല്‍മേരി എന്നിവരെ കേന്ദ്രകഥാപാത്രങ്ങളാക്കി കണ്ണന്‍താമരക്കുളം സംവിധാനം ചെയ്യുന്ന ‘ആടുപുലിയാട്ടം’ എന്ന ചിത്രത്തില്‍ ഓംപൂരിയും രമ്യകൃഷ്ണനും പ്രധാനകഥാപാത്രങ്ങളെ അവതരിപ്പിക്കുന്നു.
അറുന്നൂറ് വര്‍ഷങ്ങള്‍ക്കു മുമ്പ് നടനെന്ന് വിശ്വസിക്കപ്പെടുന്ന ഒരു മിത്തിനെ പശ്ചാത്തലമാക്കി ഒരുക്കുന്ന ഈ ചിത്രത്തില്‍ രമ്യാകൃഷ്ണന്‍ മാതംഗി എന്ന കഥാപാത്രത്തെ അവതരിപ്പിക്കുമ്പോള്‍ ഓംപൂരി ശ്രദ്ദേയവും വ്യത്യസ്തവുമായ ഒരു വേഷത്തില്‍ പ്രത്യക്ഷപ്പെടുന്നു.
സാജു നവോദയ(പാഷാണം ഷാജി) ശ്രീകുമാര്‍, പ്രശസ്ത ബോളിവുഡ് താരം രാഹുല്‍ദേവ്, ബസന്ത് നഗര്‍ രവി, രമേഷ് പിഷാരഡി എന്നവരും ഈ ചിത്രത്തിലെ പ്രധാനതാരങ്ങളാണ്.
ശശികലാമേനോന്റെ ഗാനങ്ങള്‍ക്ക് രതീഷ് വേഗ ഈണം പകരുന്നു. എഡിറ്റിംഗ് അയൂബ്ഖാന്‍ കലാസംവിധാനം സഹസ്. പ്രൊഡക്ഷന്‍ കണ്‍ട്രോളര്‍ ബാദ്ഷ. ആന്റോ ജോസഫ് ഫിലിം കമ്പനി റിലീസ്.
