ആമിര്‍ ഖാന്‍ നായകനാകുന്ന പുതിയ ചിത്രം ദങ്കലിന്റെ ആദ്യപോസ്റ്റര്‍ പുറത്തിറങ്ങി. നിതേഷ് തിവാരിയാണ് ചിത്രം സംവിധാനം ചെയ്യുന്നത്. ചിത്രത്തില്‍ ആമിര്‍ ഗുസ്തിക്കാരനായിട്ടാണ് അഭിനയിക്കുന്നത്.
മാഹാവീര്‍ സിങ് എന്ന ഗുസ്തിക്കാരന്റെ ജീവിതമാണ് ചിത്രത്തിന്റെ പ്രമേയം. ഇദ്ദേഹത്തിന്റെ രണ്ടു പെണ്‍മക്കളും ഗുസ്തിക്കാരാണ്. ഫാത്തിമ ഷെയ്ക്ക്, സാന്യ മല്‍ഹോത്ര എന്നിവരാണ് മക്കളുടെ വേഷത്തില്‍ എത്തുന്നത്.സാക്ഷി തന്‍വറാണ് ആമിറിന്റെ നായികയായി എത്തുന്നത്. രാജ്കുമാര്‍ റാവുവും ചിത്രത്തില്‍ പ്രധാന വേഷത്തില്‍ എത്തുന്നുണ്ട്.
പ്രിതാം ചക്രബൊര്‍ട്ടിയാണ് ദങ്കലിന്റെ സംഗീതം ഒരുക്കിയിരിക്കുന്നത്. ക്രിസ്തുമസ് റിലീസ് ആയിട്ടാവും ചിത്രം തിയേറ്ററുകളില്‍ എത്തുക.
