എയര്‍ടെല്ലിന് ശേഷം കേരളത്തില്‍ 4 ജി സേവനവുമായി വോഡാഫോണ്‍ എത്തുന്നു. ഡിസംബര്‍ അവസാനത്തോടെ കേരളത്തിലെ മൂന്ന് നഗരങ്ങില്‍ 4 ജി എത്തിക്കുമെന്ന് വൊഡാഫോണ്‍ പ്രസ്താവനയിലൂടെ അറിയിച്ചു. കൊച്ചിയിലും തിരുവനന്തപുരത്തും കോഴിക്കോടുമാണ് ആദ്യം നാലാം തലമുറ ഇന്റര്‍നെറ്റ് എത്തുക.
4ജി കൊണ്ടുവരുന്നതിനൊപ്പം 3 ജി നെറ്റ്‌വര്‍ക്കിന്റെ വേഗത വര്‍ദ്ധിപ്പിക്കുമെന്നും വോഡാഫോണ്‍ പ്രസ്താവനയില്‍ പറഞ്ഞു. കേരളം വോഡാഫോണിന്റെ പ്രധാനപ്പെട്ട വിപണിയാണെന്നും അതിനാലാണ് ആദ്യ ഘട്ടത്തില്‍ തന്നെ കേരളത്തിലെ മൂന്ന് നഗരങ്ങളെ ഉള്‍പ്പെടുത്തുന്നതെന്നും കമ്പനി അറിയിച്ചു.
എന്നാല്‍ 4 ജി നിരക്കുകള്‍ സംബന്ധിച്ച സൂചനകള്‍ വോഡാഫോണ്‍ നല്‍കിയില്ല.
