മുംബൈ: മൂന്നാം ദിവസം ഓഹരി വിപണി നഷ്ടത്തില്‍. വ്യാപാരം ആരംഭിച്ചയുടനെ സെന്‍സെക്‌സ് സൂചിക 38 പോയന്റ് താഴ്ന്ന് 28,406ലും നിഫ്റ്റി സൂചിക ഏഴ് പോയന്റ് താഴ്ന്ന് 8,518ലുമെത്തി.
ഐടി, എഫ്എംസിജി വിഭാഗം ഓഹരികളില്‍ വില്പന സമ്മര്‍ദം പ്രകടമാണ്. ഐടിസി, ഇന്‍ഫോസിസ്, വിപ്രോ, ടിസിഎസ് തുടങ്ങിയവയാണ് നഷ്ടത്തില്‍. അതേസമയം ഓട്ടോ, ഇന്‍ഷുറന്‍സ് വിഭാഗം കമ്പനികളുടെ ഓഹരികള്‍ നേട്ടത്തിലാണ്. മാരുതി സുസുകി, മാക്‌സ് ഇന്ത്യ, റിലയന്‍സ് ക്യാപിറ്റല്‍ തുടങ്ങിയവ നേട്ടത്തിലാണ്.
