തെന്നിന്ത്യയിലെ സൂപ്പര്‍ ഡാന്‍സറും നടനുമായ ലോറന്‍സ് സംവിധാനം ചെയ്ത സൂപ്പര്‍ഹിറ്റ് ചിത്രമാണ് കാഞ്ചന. ശരത് കുമാറും ലക്ഷ്മി റായുമൊക്കെ അഭിനയിച്ച ഏറെ പ്രേക്ഷക ശ്രദ്ധ നേടിയ ചിത്രമാണ് കാഞ്ചന. ചിത്രത്തിന്റെ രണ്ടാം ഭാഗം ഇപ്പോള്‍ പുറത്തിറങ്ങാനൊരുങ്ങുകയാണ്. ചിത്രത്തിന്റെ പോസ്റ്റര്‍ കഴിഞ്ഞ ദിവസം പുറത്തിറക്കി. ഇത്തവണയും വ്യത്യസ്തമായ ലുക്കിലാണ് ലോറന്‍സ് വീണ്ടും എത്തുന്നത്. ഹൊറര്‍ ചിത്രമായിരുന്ന കാഞ്ചനയുടെ രണ്ടാം ഭാഗവും വന്‍ ഹിറ്റാകുമെന്നാണ് പ്രേക്ഷകര്‍ പ്രതീക്ഷിക്കുന്നത്. തപ്‌സിയാണ് ചിത്രത്തില്‍ പ്രധാന വേഷത്തില്‍ എത്തുന്നത്. കാഞ്ചനയുടെ ആദ്യ ഭാഗത്തില്‍ മികച്ച അഭിനയം കാഴ്ച്ചവച്ച കോവയ് സരളയും പുതിയ കാഞ്ചനയിലും അഭിനയിക്കുന്നുണ്ട്. ചിത്രം എന്നു റിലീസ് ചെയ്യുമെന്ന കാര്യം പക്ഷെ ഇതുവരെയും പുറത്തുവിട്ടിട്ടില്ല.
കാഞ്ചന വീണ്ടും വരുന്നു
