കൊച്ചി: എറണാകുളത്ത് ബിപിസിഎല്‍ പ്ലാന്റിലെ ടാങ്കര്‍ ഡ്രൈവര്‍മാര്‍ പണിമുടക്കില്‍. ഡ്രൈവര്‍മാര്‍ സമരം ആരംഭിച്ച പശ്ചാത്തലത്തില്‍ ജില്ലയില്‍ പാചകവാതക വിതരണം തടസ്സപ്പെട്ടേക്കും.
ഇടുക്കി, മംഗലാപുരം തുടങ്ങിയ ദീര്‍ഘദൂര സര്‍വീസുകളിലേക്ക് ടേണ്‍ അടിസ്ഥാനത്തില്‍ അവസരം നല്‍കണമെന്നാവശ്യപ്പെട്ടാണ് ഡ്രൈവര്‍മാര്‍ സമരം നടത്തുന്നത്. ഈ റൂട്ടുകളിലേക്ക് വിതരണക്കാര്‍ക്ക് താല്‍പര്യമുള്ളവരെ തെരഞ്ഞെടുക്കുന്നു എന്നാരോപിച്ചാണ് സമരം. ഈ അവസ്ഥ മാറ്റി എല്ലാവര്‍ക്കും അവസരം നല്‍കണമെന്നാണ് ഡ്രൈവര്‍മാരുടെ ആവശ്യം.
