ദുബായ് : കഴിഞ്ഞ വര്‍ഷത്തെ മികച്ച ടെസ്റ്റ് പ്രകടനത്തിനുള്ള ഇഎസ്പിഎന്‍ ക്രിക്ഇന്‍ഫോയുടെ പുരസ്‌കാരം ന്യൂസിലന്‍ഡ് നായകന്‍ ബ്രണ്ടന്‍ മക്കല്ലത്തിനും ഓസീസ് പേസര്‍ മിച്ചല്‍ ജോണ്‍സനും. വെല്ലിംഗ്ടണ്‍ ടെസ്റ്റില്‍ ഇന്ത്യക്കെതിരേ മക്കല്ലത്തിന്റെ 302 റണ്‍സ് പ്രകടനമാണ് കഴിഞ്ഞ വര്‍ഷത്തെ മികച്ച ഇന്നിംഗ്‌സായി തെരഞ്ഞെടുക്കപ്പെട്ടത്.
സെഞ്ചൂറിയനില്‍ ദക്ഷിണാഫ്രിക്കയ്‌ക്കെതിരേ ഓസ്‌ട്രേലിയയക്കുവേണ്ടി 68 റണ്‍സ് വഴങ്ങി ഏഴു വിക്കറ്റ് നേടിയ മിച്ചല്‍ ജോണ്‍സന്റെ പ്രകടനമാണ് മികച്ച ബൗളിംഗായത്. ശ്രീലങ്കയ്‌ക്കെതിരേ 264 റണ്‍സ് നേടിയ ഇന്ത്യന്‍ ഓപ്പണര്‍ രോഹിത് ശര്‍മയുടെ ഇന്നിംഗ്‌സ് ഏകദിനത്തിലെ മികച്ച പ്രകടനമായി തെരഞ്ഞെടുക്കപ്പെട്ടു.
