അമ്പത്തിയേഴാമത് ഗ്രാമി പുരസ്‌കാരങ്ങള്‍ പ്രഖ്യാപിച്ചു. ഫാരല്‍ വില്യംസിന് മൂന്ന് പുരസ്‌കാരങ്ങള്‍ ലഭിച്ചു. ഫാരല്‍ വില്യംസിന്റെ ഹാപ്പിയ്ക്കാണ് പോപ്പ് സോളോ പെര്‍ഫോമന്‍സ് പുരസ്‌കാരം. ബെസ്റ്റ് മ്യൂസിക് വീഡിയോ, ബെസ്റ്റ് അര്‍ബന്‍ കണ്ടംപര്‍റി ആല്‍ബം(ഗേള്‍) എന്നീ അവാര്‍ഡുകളും നേടി.
മികച്ച പോപ്പ് വോക്കല്‍ ആല്‍ബം സാം സ്മിതിന്റെ ഇന്‍ ദ ലോണ്‍ലി അവര്‍ ആണ്. മികച്ച പുതുമുഖ ഗായകനും സാമാണ്. റിഥം ആന്‍ഡ് ബ്ലൂസ് വിഭാഗത്തില്‍ ബിയോണ്‍സും ജെയ്‌സും പുരസ്‌കാരം നേടി. സറൗണ്ട് സൗണ്ട് വിഭാഗത്തിലും ബിയോണ്‍സിനാണ് അവാര്‍ഡ്.
മികച്ച റോക്ക് ആല്‍ബം ബെക്കിന്റെ മോര്‍ണിംഗ് ഫേസ് ആണ്. മികച്ച റാപ് ആല്‍ബത്തിനുള്ള രണ്ട് പുരസ്‌കാരങ്ങള്‍ നേടിയ എമിനെം ഇതോടെ കരിയറില്‍ പതിനഞ്ച് ഗ്രാമികള്‍ തികച്ചു. ലോസ് ആഞ്ചല്‍സിലെ വേദിയില്‍ മൂന്ന് മണിക്കൂര്‍ നീണ്ട ചടങ്ങില്‍ 83 പുരസ്‌കാരങ്ങളാണ് പ്രഖ്യാപിച്ചത്.
മഡോണയുടേത് ഉള്‍പ്പടെ ഇരുപത്തിയഞ്ചിലധികം കലാപ്രകടനങ്ങള്‍ പുരസ്‌കാരവിതരണത്തോട് അനുബന്ധിച്ച് അരങ്ങേറി.
