ജോഷിയുടെ പുതിയ ചിത്രത്തിലെ നായകനായെത്തുന്നത് ഫഹദ് ഫാസില്‍. ഇതാദ്യമായാണ് ഫഹദും ജോഷിയും ഒന്നിച്ച് പ്രവര്‍ത്തിക്കുന്നത്. മോഹന്‍ലാല്‍ പ്രധാനകഥാപാത്രമാകുന്ന ലൈലാ ഓ ലൈലയാണ് ജോഷിയുടെ പുറത്തിറങ്ങാനിരിക്കുന്ന ചിത്രം.
എ.സി. വിജീഷാണ് ചിത്രത്തിന്റെ തിരക്കഥ. ലാല്‍ ജോസ് സംവിധാനം ചെയ്ത ഇമ്മാനുവല്‍ എന്ന ചിത്രത്തിന് വേണ്ടി തിരക്കഥ തയ്യാറാക്കിയത് വിജീഷാണ്. ജി. മാര്‍ത്താണ്ഡന്റെ അച്ഛാ ദിന്‍ എന്ന ചിത്രത്തിന്റെ പ്രാരംഭ ഘട്ടത്തിലാണ് ഇപ്പോള്‍.
ജോഷിയുടെ മറ്റ് സിനിമകളില്‍ നിന്നും വളരെ വ്യത്യസ്തമായ ചിത്രമായിരിക്കും ഇതെന്നും ചിത്രം ഒരു മുഴുനീള എന്റര്‍ടെയിനറായിരിക്കുമെന്നും തിരക്കഥാകൃത്ത് വിജീഷ് കൂട്ടിച്ചേര്‍ത്തു.
