തായ്‌പേയി: 58 യാത്രക്കാരുമായി ട്രാന്‍സ് ഏഷ്യ എയര്‍വേസിന്റെ വിമാനം തായ്‌വാനിലെ നദിയില്‍ തകര്‍ന്നു വീണു. തായ്‌പേയില്‍ നിന്നു കിന്‍ മെന്‍ ദ്വീപിലേക്കു പോവുകയായിരുന്ന എടിആര്‍ 72 എന്ന ചെറു വിമാനമാണു തായ്‌വാനിലെ കിലുംഗ് നദിയില്‍ തകര്‍ന്നു വീണത്.
അപകടത്തില്‍ 16 പേര്‍ മരിച്ചതായാണു വിവരം. പത്തു പേരെ രക്ഷിച്ചതായി തായ്‌വാനിലെ യുണൈറ്റഡ് ഡെയിലി ന്യൂസ് റിപ്പോര്‍ട്ട് ചെയ്തു. മരണ സംഖ്യ കൂടുമെന്നാണ് സൂചന. മറ്റുള്ളവര്‍ക്ക് വേണ്ടി തിരച്ചില്‍ നടക്കുകയാണ്.കൂടുതല്‍ വിവരങ്ങള്‍ അറിവായിട്ടില്ല.
