ന്യൂഡല്‍ഹി: ഡേവിസ് കപ്പ് ടെന്നിസ് ലോക ഗ്രൂപ്പ് പ്ലെഓഫില്‍ ചെക്ക് റിപ്പബ്ലിക്കിനെതിരെ രണ്ടാം മല്‍സരത്തില്‍ ഇന്ത്യയ്ക്ക് ജയം. സോംദേവ് ദേവ്വര്‍മന്‍ ജിറി വെസ്ലിയെ നേരിട്ടുള്ള സെറ്റുകള്‍ക്ക് തോല്‍പ്പിക്കുകയായിരുന്നു. സ്‌കോര്‍: 75, 64, 63. ആദ്യ സിംഗിള്‍സില്‍ ഇന്ത്യയുടെ യൂകി ഭാംബ്രി, ചെക്കിന്റെ ലൂക്കാസ് റൊസോളിനോട് നേരിട്ടുള്ള സെറ്റുകള്‍ക്ക് തോറ്റു. സ്‌കോര്‍: 26, 16, 57.
ഡബിള്‍സില്‍ ഇന്ത്യയ്ക്കു വേണ്ടി ലിയാണ്ടര്‍ പെയ്‌സ് – രോഹന്‍ ബൊപ്പണ്ണ സഖ്യമാണ് മല്‍സരിക്കുന്നത്. ഒന്നാം സീഡായ ചെക്ക് റിപ്പബ്ലിക്കുമായി ഡേവിസ് കപ്പില്‍ മുന്‍പ് മൂന്നുതവണ ഏറ്റുമുട്ടിയിട്ടുണ്ടെങ്കിലും ഇന്ത്യയ്ക്ക് ജയിക്കാനായിട്ടില്ല.
