എസ് എല്‍ പുരം ജയസൂര്യ സംവിധാനം ചെയ്യുന്ന ചിത്രത്തില്‍ ദിലീപും ബിജു മേനോനും ഒന്നിക്കുന്നു. ഡോക്ടര്‍മാരായാണ് ഇരുവരും ചിത്രത്തില്‍ അഭിനയിക്കുന്നത്. ചിത്രത്തില്‍ രണ്ടു നായികമാരുണ്ടാകും. താരനിര്‍ണയം പൂര്‍ത്തിയായി വരുന്ന ചിത്രം ഈ വര്‍ഷം ഒടുവില്‍ ചിത്രീകരണം ആരംഭിക്കും.
ദ സ്പീഡ് ട്രാക്ക്, ഏയ്ഞ്ചല്‍ ജോണ്‍ എന്നീ ചിത്രങ്ങള്‍ക്കുശേഷം എസ്.എല്‍.പുരം ജയസൂര്യ രചനയും സംവിധാനവും നിര്‍വഹിക്കുന്ന ചിത്രമാണിത്. ഹ്യൂമറിനൊപ്പം സാമൂഹ്യ പ്രതിബദ്ധത കൂടിയുള്ള ഒരു ചിത്രമായിരിക്കും ഇതെന്ന് ജയസൂര്യ പറഞ്ഞു. ഗ്രാന്‍ഡ് പ്രൊഡക്ഷന്‍സിന്റെ ബാനറില്‍ ദിലീപ് ആണ് പേരിട്ടിട്ടില്ലാത്ത ഈ ചിത്രം നിര്‍മ്മിക്കുന്നത്.
