ന്യൂയോര്‍ക്ക്: വിഖ്യാത ചിത്രകാരന്‍ പബ്ലോ പിക്കാസോയുടെ മോഷണം പോയ പെയ്ന്റിങ് ന്യൂയോര്‍ക്കില്‍ കണ്ടെത്തി. പാരിസിലെ ഒരു സ്റ്റോര്‍ റൂമില്‍ നിന്ന് 2001ല്‍ കാണാതായ ‘ലാ കൊഫിയസ്’ എന്ന പെയ്ന്റിങ്ങാണ് കണ്ടെത്തിയത്. 1911ലാണ് ഈ പെയിന്റിങ് പിക്കാസോ പൂര്‍ത്തിയാക്കിയത്.
കഴിഞ്ഞ വര്‍ഷം ഡിസംബറിലാണ് ഈ പെയ്ന്റിങ് അമെരിക്കയിലെത്തിയത്. ബെല്‍ജിയത്തില്‍ നിന്നാണ് ഇത് അമെരിക്കയിലേക്ക് അയച്ചിരിക്കുന്നതെന്നാണ് റിപ്പോര്‍ട്ട്. കോടികള്‍ വില വരുന്ന പെയ്ന്റ് ഫ്രാന്‍സില്‍ തിരികെ എത്തിക്കാനുള്ള നടപടികള്‍ ആരംഭിച്ചു.
