കൊച്ചി: ‘പ്രേമം’ സിനിമയുടെ വ്യാജപതിപ്പ് ഇന്റര്‍നെറ്റില്‍ പ്രചരിച്ചതിന്റെ പേരില്‍ വ്യാഴാഴ്ച അടച്ചിട്ട എ ക്ലാസ് തീയറ്ററുകള്‍ ഇന്നും സമരം തുടരും. മൊഴിമാറ്റ ചിത്രം ‘ബാഹുബലി’ വൈഡ് റിലീസിംഗ് നടത്താന്‍ പ്രൊഡ്യൂസേഴ്‌സ് അസോസിയേഷനും ഡിസ്ട്രിബ്യൂട്ടേഴ്‌സ് അസോസിയേഷനും തീരുമാനിച്ചതിനെതിരേയാണു 350 ഓളം എ ക്ലാസ് തിയറ്ററുകള്‍ സമരം നടത്തുന്നത്.
എ ക്ലാസ് തീയറ്ററുകള്‍ സമരം പ്രഖ്യാപിച്ചതോടെ നഗരങ്ങളിലെ മള്‍ട്ടിപ്ലക്‌സുകളിലും എക്‌സിബിറ്റേഴ്‌സ് ഫെഡറേഷനില്‍ അംഗമല്ലാത്ത ചില എ ക്ലാസ് തീയറ്ററുകളിലും മാത്രമേ വെള്ളിയാഴ്ച റിലീസുകള്‍ നടക്കൂ.
അടുത്തയാഴ്ച റംസാന്‍ ചിത്രങ്ങള്‍ കൂടി എത്തുന്നതിനാല്‍ സിനിമാ മേഖലയിലെ തമ്മിലടി വീണ്ടും ചര്‍ച്ചയായിരിക്കുകയാണ്.
