എസ്.എസ്. രാജമൗലി സംവിധാനം ചെയ്ത ബ്രഹ്മാണ്ഡ ചിത്രം ബാഹുബലി മേയ് 15ന് തിയെറ്ററുകളില്‍ എത്തും. ചിത്രത്തിന്റെ ആദ്യ ഭാഗമാണ് മേയ് 15ന് റിലീസ് ചെയ്യുന്നതെന്ന് സംവിധായകന്‍ ഔദ്യോഗികമായി പ്രഖ്യാപിച്ചു. രണ്ടാം ഭാഗം 2016ല്‍ റിലീസ് ചെയ്യും. പ്രഭാസാണ് ചിത്രത്തിലെ നായകന്‍. തമ്മന്നയും അനുഷ്‌കയും നായികമാരാകുന്നു.
സുദീപ്, സത്യരാജ്, റാണ, രമ്യ കൃഷ്ണന്‍ എന്നിവരാണ് ചിത്രത്തിലെ മറ്റു താരങ്ങള്‍. കീരവാണിഗാനങ്ങള്‍ ഒരുക്കുന്നു. ആര്‍ക് മീഡിയയാണ് സിനിമ നിര്‍മിക്കുന്നത്. മൂന്നു വര്‍ഷത്തോളമായി സിനിമയുടെ ചിത്രീകരണം തുടങ്ങിയിട്ട്. തമിഴില്‍ മഹാബലി എന്ന പേരില്‍ സിനിമ പുറത്തിറങ്ങും. ചരിത്രാതീത കാലത്തെ കഥയാണ് ബാഹുബലി. നിരവധി വിഷ്വല്‍ ഗ്രാഫിക്‌സാണ് സിനിമയ്ക്ക് വേണ്ടി ചെയ്തിരിക്കുന്നത്.
