ടി കെ രാജീവ് കുമാര്‍ ചിത്രത്തില്‍ കമല്ഹസന് നായിക അമല. 27 വര്‍ഷങ്ങള്‍ക്ക് ശേഷമാണ് കമല്‍ഹാസന്റെ നായികയായി അമലാ എത്തുന്നത്. വിദ്യാബാലന്‍ നായികയായ ഹമാരി അധൂരി കഹാനി എന്ന ചിത്രത്തിലാണ് അമല ഒടുവില്‍ അഭിനയിച്ചത്. സത്യം,പേശും പടം എന്നിവയാണ് കമല്‍-അമലാ ജോഡികളുടെ ചിത്രങ്ങള്‍.
മലയാളത്തിന്റെ മറ്റൊരു പ്രിയനായിക സറീന വഹാബും ചിത്രത്തിലുണ്ട്. മലയാളത്തിലും തമിഴിലുമായി ചിത്രീകരിക്കുകയും തെലുങ്കില്‍ മൊഴിമാറ്റത്തോടെ എത്തുകയും ചെയ്യുന്ന സിനിമയുടെ സഹനിര്‍മ്മാതാവും കമല്‍ഹാസനാണ്.
സിനിമയുടെ പ്രീപ്രൊഡക്ഷന്‍ ഘട്ടത്തിലായതിനാല്‍ കൂടുതല്‍ വിവരങ്ങള്‍ പുറത്തുവിട്ടിട്ടില്ല.
രാജേഷ് ശെല്‍വ സംവിധാനം ചെയ്യുന്ന തൂങ്കാവനം ആണ് കമലിന്റെ പുറത്തിറങ്ങാനിരിക്കുന്ന സിനിമ. ചീക്കാത്തി രാജ്യം തൂങ്കാവനം എന്ന പേരിലാണ് തമിഴിലെത്തുക. തെലുങ്കില്‍ ഈ മാസം 12നും തമിഴില്‍ 20നും ചിത്രങ്ങള്‍ റിലീസ് ചെയ്യും. സ്ലീപ്ല്‌ലെസ് നൈറ്റ് എന്ന ഫ്രഞ്ച് ചിത്രത്തിന്റെ റീമേക്കാണ് ഈ സിനിമകള്‍.
