മലയാളത്തിന്റെ പ്രിയ സംഗീത സംവിധായകന്‍ എം ജയചന്ദ്രന്‍ ആദ്യമായി ക്യാമറയ്ക്കുമുന്നിലെത്തുന്നു.വി കെ പ്രകാശ് സംവിധാനം ചെയ്യുന്ന ഓണ്‍ ദി റോക്‌സ് എന്ന ചിത്രത്തിലാണ് സംഗീതാധ്യാപകന്റെ വേഷത്തില്‍ ജയചന്ദ്രന്‍ എത്തുന്നത്.ഗായകന്‍ സിദ്ധാര്‍ഥ് മേനോനും ,ഇവ പവിത്രനുമാണ് ചിത്രത്തിലെ നായികാ നായകന്മാര്‍.
ഒരു റോക്ക് ബാന്റ് സിംഗറുടെ ജീവിതവും ,പ്രണയവും പ്രമയേമാകുന്ന ചിത്രത്തില്‍ ഗുരുമൂര്‍ത്തി എന്ന സംഗീതാധ്യപകന്റെ വേഷത്തിലാണ് ജയചന്ദ്രന്‍ എത്തുന്നത്. നിവേദ്യം ,പെരുമഴക്കാലം എന്നീ ചിത്രങ്ങളില്‍ ഗായകന്റെ റോളില്‍ സിനിമയില്‍ പ്രത്യക്ഷപ്പെട്ടെങ്കിലും ഇതാദ്യമായാണ് ഒരു പ്രധാന കഥാപത്രത്തെ അവതരിപ്പിക്കുന്നത്.വികെ പ്രകാശ് എന്ന സംവിധായകനുമായുളള ആത്മ ബന്ധം മൂലമാണ് അഭിനയമെന്ന പരീക്ഷണവുമായി ജയചന്ദ്രന്‍ സിനിമയിലെത്തുന്നത്.
