കോട്ടയം: കോട്ടയം പാലായിലെ മഠത്തില്‍ സിസ്റ്റര്‍ അമല കൊല്ലപ്പെട്ട സംഭവത്തില്‍ പ്രതി സതീഷ് ബാബു അറസ്റ്റില്‍. ഹരിദ്വാറിലെ ഒരു മഠത്തില്‍ നിന്ന് അര്‍ദ്ധരാത്രിയോടെ ഉത്തരാഖണ്ഡ് പോലീസാണ് ഇയാളെ പിടികൂടിയത്.
കാസര്‍കോട് സ്വദേശിയായ ഇയാളെ ഇന്ന് കേരളാപോലീസിന് കൈമാറും. കയ്യിലുണ്ടായിരുന്ന പണം നഷ്ടപ്പെട്ട് ഹരിദ്വാറില്‍ കുടുങ്ങിയെന്നാണ് മഠത്തിലെ അധികൃതരെ ഇയാള്‍ അറിയിച്ചത്. സംശയം തോന്നിയ അവര്‍ പോലീസിനെ വിവരം അറിയിക്കുകയായിരുന്നു. പോലീസെത്തി ചോദ്യംചെയ്തപ്പോള്‍ തന്നെ ഇയാള്‍ കുറ്റംസമ്മതിച്ചു.
ജില്ലാ പോലീസ് മേധാവി സതീഷ് ബിനൊയുടെ നേതൃത്വത്തിലാണ് അന്വേഷണം നടക്കുന്നത്.
