മുംബൈ: രാജ്യത്തിന്റെ 69ാമത് സ്വാതന്ത്ര്യദിനത്തോടനുബന്ധിച്ച് ഇ-കൊമേഴ്‌സ് സ്ഥാപനങ്ങള്‍ക്ക് പിന്നാലെ വിമാന കമ്പനികളും ഓഫറുകളുമായി രംഗത്ത്.
ആഭ്യന്തര-അന്തര്‍ദേശീയ സര്‍വീസുകള്‍ക്ക് 30 ശതമാനം കിഴിവാണ് ജെറ്റ് എയര്‍ലൈന്‍സ് പ്രഖ്യാപിച്ചിട്ടുള്ളത്. എല്ലാ ടിക്കറ്റുകള്‍ക്കും 609 രൂപയുടെ കിഴിവാണ് എയര്‍ കോസ്റ്റ നല്‍കുന്നത്.
ആഗസ്ത് 20 മുതല്‍ സപ്തംബര്‍ 30വരെ യാത്രചെയ്യുന്നവര്‍ക്കാണ് എയര്‍ കോസ്റ്റയുടെ ആനുകൂല്യം ലഭിക്കുക. ഇതിനുവേണ്ടി ആഗസ്ത് 10 മുതല്‍ 14വരെയാണ് ബുക്ക് ചെയ്യേണ്ടത്.
ജെറ്റ് എയര്‍വെയ്‌സിന്റെ ഓഫര്‍ തിങ്കളാഴ്ച ആരംഭിച്ചു. ആഗസ്ത് 14വരെ ബുക്ക് ചെയ്യാം. സപ്തംബര്‍ 10 മുതല്‍ 2016 ഏപ്രില്‍ 14വരെയുള്ള യാത്രക്കാണ് ഇളവ് ലഭിക്കുക.
